Fortuna Kirol Elkarteak eta Jomak akordio bat sinatu dute, kirol-marka eta Behobia – San Sebastian lasterketa batzen dituena, bere babesle tekniko ofizial gisa.
Joma arduratuko da, beraz, hurrengo Behobia-San Sebastian lasterketetan parte hartuko duten milaka korrikalariak janzteaz, baita boluntario guztiak eta antolakuntza bera ere.
Elkarlan berri horrek indartu egingo du Jomak estatuko eta nazioarteko lasterketekin duen konpromisoa; esparru horretan, erreferentzia moduan sendotzen ari da marka eta gero eta protagonismo handiagoa hartzen, berak babestutako ekitaldien bidez.
Horregatik, hurrengo Behobia-San Sebastian lasterketak, Joma babesle tekniko ofiziala duela, itxura du inflexio puntu izatekoa bai lasterketarentzat bai markarentzat, running munduan arrastoa uztera bideratutako lankidetzaren hasiera markatuz.
Jomak lasterketarako produktu berezien lerro bat garatuko du
Lotura honen ondorioz, markaren ekarpena izango dira produktu teknikoak, abangoardiako teknologiaz hornituak, eta erosotasuna, transpiragarritasuna eta erresistentzia batzen dituztenak, korrikalarien eskaeretara egokituak. Hain zuzen ere, bi aldeak jada garatzen ari dira Behobia-San Sebastian lasterketarako esklusiboki pertsonalizatutako kamisetak, zapatilak eta merchandisinga. Aparteko produktu bakoitzak ekitaldiaren mamia eta nortasuna barnebilduko du.
Joma Sport atletismoari buruz
Joma Sport kirol-materiala fabrikatzen eta merkaturatzen duen konpainia espainiarra da. Eta Joma Espainiako kirol-markarik garrantzitsuena da, munduan gehien saltzen duena, eta munduko marken top ten-ean dagoena. Fructuoso Lópezek sortu zuen 1965ean, eta ordutik aurrera azkar egin du aurrera. Gaur egun, 140 herrialde baino gehiagoren merkatuan dago, eta zortzi filial ditu AEBtan, Italian, Txinan, Erresuma Batuan, Alemanian, Mexikon, Panaman eta Brasilen.
Bestalde, kirol diziplina tradizional guztietan dago, baita Olinpiar Jokoetan ere. Adibidez, Jomak Pariseko azken Joko Olinpikoetan parte hartu zuten kirolarien % 15 hornitu zituen.
Azken urteotan, markak gora egin du atletismoa bezalako diziplinetan, korrikalari eta martxatzaile profesionalen fitxaketarekin. Lasterketei dagokienez, markak babesten ditu Madrilgo eta Eivissako maratoiak eta orain Behobia-San Sebastian, nazioarteko beste batzuen artean, Paris, Erroma, Florentzia, Venezia, Oporto, Soweto edo Two Oceans. Gainera, bere #JomaTeam-ean federazio ospetsuak ditu, hala nola, Espainia, Italia, Txekiar Errepublika, Eskozia, Irlanda, Eslovenia, Maroko edo Mexiko. Horiei gehitu behar zaizkie atletismoko proba ospetsuenetan lehiatzen diren banakako atleta ugari.
Eskerrak LUANVIri
Fortuna Kirol Elkarteak, halaber, publikoki eskerrak eman nahi dizkio Luanvi-ri, 2022an hasi eta 3 urtez luzatu den babesletza-hitzarmenagatik, bereziki, urteotako gertutasun, elkarlan eta konfiantzagatik.