Behobia patinetan
Garrantzitsua da araudia irakurtzea bai lasterketako arauak ezagutzeko bai partaideei emandako zerbitzuen berri izateko.
Izen emateak
Egutegia atalean ikus dezakezu patinatzaileen izen emate epea, ohikoak izan edo ez.
Informazio garrantzitsua
- Irteera ordua: 9:20
- Lasterketan parte hartzeko maila egiaztatzea
Behobia - San Sebastián korrikalarientzako lasterketa da, baina patinatzaileei parte hartzeko aukera eman zaie baldintza bakarrarekin: Ezin da patinatzailerik egon oinezkoen lasterketaren buru den motorraren atzetik. Horretarako lasterketa amaitzeko gutxieneko abiada 16 km/o da. - Egiaztatzeko balio duten probak
Profil antzekoa duten lasterketak, nazioarteko ekitaldi handiak, gogorragoak diren lasterketak... Ez dute balio: Hiri paseoak, proba lauak edo laburragoak. Kontuan izan ohiturarik gabeko pertsonentzat profil zaileko lasterketa dela eta arriskutsua izan daitekeela. - Akreditaziorik ez badut, ezin al dut parte hartu?
Logika kontua da: lasterketaren profila kontuan hartuta, parte har dezakezu halako aldapa zorrotzak igotzeko eta jaisteko gai bazara taldean eta adierazitako denboran. - Erretiratzeko betebeharra eta igarotze denborak
Adierazitako kilometro puntuetatik beranduago igarotzen den pertsona orok nahitaez utzi beharko du lasterketa. Hori ez egiteak hurrengo urteetarako deskalifikatzea eta zigorra dakar. Oinezko lasterketaren buruan doazen motorrak dira nahitaezko erretiratze unea zehazten dutenak, zuregana heltzean.
| Km. 5 | 9:40 |
|---|---|
| Km. 10 | 10:00 |
| Km. 15 | 10:20 |
| Km. 20 | 10:40 |
Hemen ikus ditzakezu lasterketako erretiratze-puntuak. Ez dago erratz-autorik.
Nola iritsi irteerara
Webguneko Irteera atalean kontsulta dezakezu irteerara nola iritsi.
Lasterketako poltsa jasotzea
Izen ematean aukera dezakezu lasterketako poltsa non jaso nahi duzun.
Ibilbidea
Webguneko Ibilbidea atalean ikus dezakezu ibilbide, anoa puntu, erretiro puntu, profil eta abarri buruzko informazioa.
Patinatzaileek kontsigna zerbitzu propioa dute, gainerakotik bereizia (beranduago iristen dira helmugara). Urtero bezala, Seicar-ek zuen eskura jarriko du furgoneta bat. ADI! Furgonetak Donostiarantz irten behar du 9:30ean.
Edozein zalantza baduzu, jar zaitez gurekin harremanetan gure helbide elektronikoaren bidez: info@behobia-sansebastian.com.
