Izen emate aldaketak dortsala beste pertsona bati pasatzeko aukera ematen du. Izena eman dutenek bakarrik egin dezaketena, horrela lasterketan parte hartu ezin badute dortsala beste norbaiti utzi ahal izateko aukera ematen zaio.
Zergatik ez diot nire dortsala beste korrikalari bati eman behar izen aldaketa egin gabe?
OSO GARRANTZITSUA da dortsala korrika egingo duen pertsonaren izenean egotea:
- Lasterketan artatua izan beharko balu aseguruak ez luke korrikalaria estaliko, dortsala bere izenean ez badago.
- Bere izenean ez dagoen dortsal batekin korrika ari den partaideren bat atzemanez gero, automatikoki deskalifikatua izango da.
Izen emate aldaketa irailaren 1etik lasterketa bezperara arte egin dezakezu.
Irailaren 20tik aurrera EZIN izango da aldaketarik egin lasterketako poltsaren datuetan (dortsalaren kolorea, kamisetaren taila eta jasotzeko lekua), poltsa prestatzen hasten baita.
Noiz egin dezaket izen emate aldaketa?
Izen ematea zeuk egin bazenuen, izen emate aldaketa “Zure izen emateak kudeatu” atalean egin dezakezu EROSLE gisa sartuta, hau da, izena ematerakoan erabili zenuen e-posta helbidea eta pasahitza sartuta “Eroslea bezala” atalean.
Izen ematea beste norbaitek egin bazuen, berari eskatu behar diozu izen ematea aldatzeko “Zure izen emateak kudeatu” atalaren bidez.
Izen-emate aldaketa egiteko pausoak:
- Sartu "Nere izen-emateak kudeatu" atalean (erosle gisa).
- Zoaz "Izen-emate aldaketa" aukerara eta sartu korrikalari berriaren helbide elektronikoa.
- Sistemak e-mail bat bidaliko dio pertsona berriari, izen-emate aldaketa egiteko esteka batekin.
- Pertsona berriak izen-emate prozesua osatuko du bere datuekin eta ordainketa gure webgunean egingo du.
- Helbide elektroniko bat iritsiko zaizue, bai jatorrian inskribatutako pertsonari, bai berriari, izen-emate aldaketa berretsiz.
- Izen-emate aldaketa egiteko estekak 3 eguneko iraungipena du, hau da, korrikalari berriak ez badu inskripzioa 3 egun horietan egiten, titulartasun-aldaketa ezeztatu egingo da eta erosleak izen-emate aldaketa beste pertsona batekin egin ahal izango du.
- Izen-emate aldaketa bete ondoren, erosleak bere inskripzioa baja emanda ikusiko du “Nire izen-emateak” atalean.
- Inskripzioaren zenbatekoa itzuliko dugu 5 euro kenduta (kudeaketa gastuak direla eta) gehienez 2 hilabeteko epean.
- Irailaren 20tik aurrera egindako aldaketek ezin izango dute aldaketarik egin lasterketako poltsan (dortsalaren kolorea, kamisetaren neurria, jasotzeko lekua eta dortsalean inprimatutako izena).
- Jarduera susmagarriren bat hautematen bada, inskripzio hori ezabatu egingo da, eta ezin izango da inolako zenbatekorik berreskuratu.
